السؤال:

السلام عليكم ورحمة الله وبركاته

يعطيك العافية شيخنا وبارك فيك

شيخي الله يجزاك الخير لما كنت تحكي عن انه الله اشهدنا وقال الست بربكم واحنه اجبنا ب بلى. وفضيلتك كنت تحكي في من قالوا بلى موقنين ومنهم قالوا بلى كذبا

طيب شيخي ما بعرف انا وين موقعي

وخايف كتير من هاي النقطة

يعني الواحد بصلي بس ما بحس بخشوع ولا لذة ولا حتى برغبة انه يصلي احيانا. ولكن بحمل نفسي عشان هي فرض

بس اعمال الخير الاخرى زي الصدقة وغيرها بحب اعملها بس مش دايما بستشعر انه لله وانما لانه هاد الاشي بخليني ارتاح لما اعمله

فانا حاسس انه حياتي مش عايشها لله

طيب هيك دليل على اني من الي كذبوا على الله؟ الموضوع مرعب صراحة ومش عارف كيف اطمئن خاصة انه بتيجيني وساوس كثير وبظن في الله ظن السوء لكن بستغفر وبحاول ما افكر

فما قولكم بارك الله فيكم

الجواب:

وعليكم السلام ورحمة الله وبركاته - السؤال الوحيد الذي يجيبك عن تسؤلك هو (هل تؤمن بالله أنه هو الواحد الأحد الذي خلق كل شيء) فإن كان الجواب (نعم) تكون بإذن الله من (السعداء) الذين قالوا (بلى) بصدق - وفي الدنيا عليك أن تجتهد قدر المستطاع (وأتقوا الله ما استطعتم) (إذا أمرتكم بشيء فأتوا منه ما استطعتم). بارك الله فيكم ووفقكم لما يحب ويرضى